RHA - Rannsókna- og þróunarmiðstöð Háskólans á Akureyri

Aðjúnktar, lektorar og dósentar Háskólans eiga að skila umsókn vegna stigamats fyrir 1. mars ár hvert. Umsóknir ber að senda undirritaðar í pappírseintaki til stjórnsýslu rannsókna í húsnæði RHA og einnig í tölvutæku formi til: rannsoknir@unak.is  Auk grunnupplýsinga á eyðublaði er nauðsynlegt að leggja fram þau rit- eða hugverk sem meta á til stigamats í pappírseintaki. Þeir aðjúnktar, lektorar og dósentar sem ekki hafa farið í stigamat áður verða að senda upplýsingar í s.k. grunnmat, þ.e.a.s. upplýsingar frá upphafi starfsferils eins og við á. Aðrir senda inn upplýsingar vegna s.l. árs.

Prófessorar skili umsóknum sínum til stjórnsýslu rannsókna fyrir 1. febrúar ár hvert í húsnæði RHA sem mun sjá um að koma gögnunum áfram til rannsóknasviðs Háskóla Íslands sem metur ritverk og rannsóknir fyrir alla prófessora í ríkisháskólum á Íslandi.

Athugið að niðurstöður stigamats geta haft áhrif á uppröðun í launarima og rannsóknaálag auk þess sem umsóknir um stigamat er jafnframt umsókn í Vinnumatssjóð. Það er afar mikilvægt að senda inn upplýsingar á réttum tíma. Hugsanlegar launabreytingar taka gildi frá 1. september ár hvert.

Umsóknir sem berast seint verða ekki teknar til umfjöllunar. Undanþágur eru veittar ef um veikindi er að ræða.

Vinsamlegast kynnið ykkur vandlega leiðbeiningar um útfyllingu eyðublaða svo og vinnureglur matshópa sem fylgja hér að neðan. Allar nánari upplýsingar eru veittar á skrifstofu RHA og starfsmenn aðstoða við útfyllingu eyðublaða ef þess er óskað.

Vinnumatssjóður
Háskólaráð Háskólans á Akureyri samþykkti á fundi sínum 28. janúar 2008 nýjar reglur um Vinnumatssjóð.

Eyðublað fyrir stigamat háskólakennara við HA

 Vinnureglur við stigamat HA

Samkomulag um útfærslu E-lið stigamats (Fyrri störf)

Matskerfi opinberra háskóla

Hér að neðan er að finna upplýsingar um nýtt matskerfi:

Matskerfi opinberra háskóla

Álit Vísindanefndar opinberra háskóla, dags. 18. desember 2009

Álit nefndar um fyrirkomulag mats á störfum prófessora, dags. 6. nóvember 2009