Áfangaskýrsla um rannsóknir á samfélagslegum áhrifum álvers- og virkjunarframkvæmda á Austurlandi

Út er komin áfangaskýrsla í Rannsókn á samfélagslegum áhrifum álvers- og virkjunarframkvæmda á Austurlandi. Skýrslan var afhent iðnaðar- og viðskiptaráðherra í árslok 2006.Sú skýrsla sem hér liggur fyrir er fyrri áfangaskýrsla verkefnisins. Kjartan Ólafsson, sérfræðingur hjá RHA – Rannsókna- og þróunarmiðstöð Háskólans á Akureyri var ritstjóri skýrslunnar og jafnframt verkefnisstjóri rannsóknarinnar. Auk hans rituðu Enok Jóhannsson, Þróunarfélagi Austurlands, Jón Þorvaldur Heiðarsson, RHA, Ragnheiður Jóna Ingimarsdóttir, Jafnréttisstofu og Valtýr Sigurbjarnarson, RHA, kafla í skýrsluna. Í skýrslunni er stiklað á stóru um sögu stóriðjuframkvæmda á Austurlandi og fjallað um almenn áhrif stóriðjuframkvæmda. Þá er fjallað um áhrif framkvæmdanna á íbúafjölda, efnahag, vinnumarkað, húsnæðismarkað, opinbera grunngerð, sveitarfélög, þjónustu, samfélag og lífsstíl og ferðaþjónustu. 
Árið 2005 komu út tvær skýrslur á vegum rannsóknarinnar og eru þær fyrirliggjandi hér á vef RHA. Annars vegar er um að ræða skýrslu um könnun meðal fólks á Austur- og Norðausturlandi 2004 (Kjartan Ólafsson, 2005) og hins vegar skýrslu um íbúafjölda og þörf á íbúðarhúsnæði árið 2008 (Jón Þorvaldur Heiðarsson, 2005). Skýrslan