Helstu yfirstandandi verkefni

Kannanir opinberu háskólanna.

Hluti af viðhorfskönnunum sem fara reglulega fram meðal núverandi og útskrifaðra nemenda við opinberu háskólana.

Gender differences in generative AI use among higher education students: A Nordic perspective.

Verkefni styrkt af Nordic Gender Equality Fund. Verkefnið snýr að því hvernig háskólanemar í þremur Norðurlöndum nýta sér gervigreind og hvort um kynjamun sé að ræða í þessu samhengi. Kannanir verða framkvæmdir og sendar út til nemenda í Háskólanum á Akureyri, Dalarna háskóla í Svíþjóð og Inland háskóla í Noregi. 

Energising Nordic Equality.

Verkefni unnið í samstarfi við Jafnréttisstofu fyrir Nordic Energy Research. Markmið verkefnisins er að kanna núverandi stöðu kynjajafnréttis í norræna orkugeiranum. Verkefnið miðar að því að veita stjórnendum, leiðtogum í atvinnulífinu og menntastofnunum hagnýt verkfæri til að styrkja jafnrétti kynja í orkugeiranum.

Grjótháls.

Mat á áhrifum vindaflsvirkjunar á samfélag. Hluti af mati á umhverfisáhrifum. Unnið fyrir Hrjónur ehf.

Hvalár- og Kollafjarðarlína, mat á áhrifum á ferðaþjónustu og útivist.

Verkefnið felst í að meta áhrif tveggja nýrra flutningslína á ferðaþjónustu og útivist, sem hlutarannsókn fyrir mat á umhverfisáhrifum. Framkvæmdin er Hvalárlína 1 milli Miðdals og Hvalárvirkjunar og Miðdalslína 1 milli nýrra mögulegra tengivirkja í Kollafirði í við norðanverðan Breiðafjörð og Miðdal við innanvert Ísafjarðardjúp. Skoðuð verða áhrif mismunandi valkosta línanna.

Inngilding í íslensku háskólasamfélagi. 

Opinberu háskólarnir hafa sameinast í verkefni um inngildingu í íslensku háskólasamfélagi. Verkefnið er til tveggja ára og er ætlunin að þróa leiðir til að stuðla að aukinni inngildingu í háskólasamfélaginu, fjölga innflytjendum í háskólanámi og sporna við brottfalli þeirra.

Verkefni fyrir verkefnisstjórn fimmta áfanga rammaáætlunar.

Verkefnin tengjast skoðun á áhrifum átta vindorkukosta, fjögurra vatnsorkukosta og eins jarðvarmakosts á nærsamfélög þeirra.

Viðhorf Íslendinga til ferðafólks og ferðaþjónustu.

Verkefnið felst í að framkvæma símakönnun fyrir Rannsóknamiðstöð ferðamála (verkkaupi) um viðhorf Íslendinga til ferðamanna og ferðaþjónustu á árinu 2023.

Verkefni í þágu Háskólans á Akureyri.

Á hverjum tíma er RHA þátttakandi í ýmsum smærri verkefnum fyrir hönd Háskólans á Akureyri, s.s. á sviði byggðaþróunar og norðurslóðamála. Þá sinnir RHA umsýslu rannsóknasjóða og nefnda á sviði rannsókna fyrir HA.

Þjónusta við starfsmenn Háskólans á Akureyri.

Sérfræðingar RHA sinna reglubundið aðstoð við akademíska starfsmenn Háskólans á Akureyri í tengslum við skipulagningu rannsókna og umsóknir um rannsóknastyrki auk sérfræðiaðstoðar við gagnaöflun og greiningu rannsóknagagna. Þá sinnir RHA aðstoð við framkvæmd og skipulagningu ráðstefna sem haldnar eru innan HA, oftast í samstarfi akademíska starfsmenn háskólans.