Jarðgöng á Austurlandi - Mat á samfélagsáhrifum og arðsemi.

RHA hefur nú lokið við gerð skýrslu um Jarðgöng á Austurlandi, Mat á samfélagsáhrifum og arðsemi.  Var skýrslan kynnt nýrri samgöngunefnd Sambands Sveitarfélaga á Austurlandi (SSA) þann 24. október sl. 

RHA hefur nú lokið við gerð skýrslu um Jarðgöng á Austurlandi, Mat á samfélagsáhrifum og arðsemi.  Var skýrslan kynnt nýrri samgöngunefnd Sambands Sveitarfélaga á Austurlandi (SSA) þann 24. október sl.  Verkið var mjög viðamikið enda langflestir jarðgangakostir á Austurlandi metnir út frá fjórum matsflokkum samkvæmt aðferðafræði sem RHA er að þróa.  Flokkarnir fjórir eru: Arðsemi, tenging atvinnu- og búsvæða, umferðaröryggi og byggðaþróun.  Ekki er vitað til þess að áður hafi jafn ítarlegur samanburður verið gerður á mörgum vegaframkvæmdum samtímis.  Helsta niðurstaða skýrslunnar er að eftir útilokunaraðferð standi valið á mill eftirfarandi jarðganga sem næsta jarðgangakosts á Austurlandi (í landfræðilegri röð frá norðri til suðurs):

 

Jarðgöng	Núvirtur heildarábati í mkr. (arðsemi %)	Spáð fækkun óhappa	Tenging atvinnu og búsvæða	Byggða-þróun
Vopnafjörður - Hérað	-1.696 (1,05)	4,4	++	+++
Seyðisfjörður - Norðfjarðar um Mjóafjörð	-2.764 (2,3)	9,3	+++	+++
Eskifjörður - Norðfjörður	-1.900 (1,75)	11,8	+	+
Fáskrúðsfjörður -   Stöðvarfjörður	-653 (4,05)	16,4	+	+
Undir Berufjörð (stutt)	-524 (4,2)	4,2	++	++
Undir Berufjörð (löng)	-1.506 (2,7)	4,6	++	++
Breiðdalur – Berufjörður  með þverun	-739 (3,8)	9,5	++	++
Undir Lónsheiði milli Lóns og Álftafjarðar	-753 (2,1)	2,1	0	+

 

Höfundar skýrslunnar eru Jón Þorvaldur Heiðarsson og Valtýr Sigurbjarnarson en verkefnisstjóri var Hjalti Jóhannesson.  Skýrsluna í heild sinni má sjá hér.