REKENE er samnorrænt rannsóknar- og þróunarverkefni sem byggir á þeirri sýn að áherslur í efnahagsþróun innan ESB og
Evrópska efnahagssvæðisins skuli byggja öðru fremur á sviðum þar sem menntunar og þekkingar er krafist og að ný og betri störf skapist
á þeim grundvelli. Rannsóknir hafa bent til þess að í vestrænum ríkjum þar sem tekjur eru þegar komnar á hátt stig er
frekar efnahagslegra framfara einkum að vænta við frekari nýtingu þekkingar.
Íslenska dæmið í þessari rannsókn er Akureyrarsvæðið. AFE er íslenski aðilinn að verkefninu og mun Rannsókna- og
þróunarmiðstöð Háskólans á Akureyri sjá um rannsóknarhlutann í samvinnu við AFE.
Í verkefninu verða tekin viðtöl við einstaklinga úr völdum fyrirtækjum á hverju svæði fyrir sig og þau greind. Á
Akureyrarsvæðinu hafa AFE og RHA komið sér saman um að þjónustugreinar viðskiptalífsins og þekkingarfyrirtæki sé
áhugaverðar atvinnugreinar til að skoða sem hið íslenska dæmi enda hafa þar verið mikil umsvif á undanförnum árum. Einnig er þar
hlutverk þekkingar mikið og þessar greinar hafa mikið leitað að menntuðu fólki til starfa.
Skoðað verður á hvern hátt þekking flyst á milli fyrirtækja og á milli svæða, hvernig fyrirtæki nýta sér
þekkingu. Skoðuð verður byggðastefna og önnur stefnumörkun sem máli skiptir á viðkomandi svæði. Skoðað verður
stofnanaumhverfið á svæðinu og á hvern hátt það styður við atvinnulíf þess, ekki síst hvað varðar uppbyggingu
þekkingar.
Verkefnið verður unnið á tímabilinu 2007-2010 og verður niðurstöðum miðlað til þeirra svæða sem þátt taka í
því.
Hér má sjá
fréttatilkynningu á ensku og
stutta kynningu