Öskudagurinn á RHA

Allskonar kynjaverjur heimsóttu RHA á öskudaginn, börnin glöddu starfsfólkið með söng og þáðu harðfisk að launum. Það er alltaf gaman að fá börnin í heimsókn á þessum degi og sjá hversu mikið þau leggja í búninga og söng. Greinilegt var að tíðarandinn í þjóðfélaginu hefur áhrif á börnin því sumir textanna voru skemmtilega beittir og fjölluðu um verðbréfahrun, útrásarvíkinga, Davíð, Jón Ásgeir, Björgólf og fleira í þeim dúr. Gamli Nói fór t.d. illa út úr verðbréfaviðskiptum og tapaði öllu sínu.

Kynning á North Hunt verkefninu á Fræðaþingi landbúnaðarins

Hjördís Sigursteinsdóttir  og Eyrún Jenný Bjarnadóttir kynntu North Hunt verkefnið á Fræðaþingi landbúnaðarins á Hótel Sögu s.l.  föstudag.  Kynningin var á málstofu C – Nýsköpun í dreifbýli – smáframleiðsla matvæla.  Í kynningunni  fjölluðu þær  um skotveiðar á Íslandi og hvernig þær hafa þróast hérlendis á síðustu árum ásamt því að fjalla um  tengingu frekari þróunar starfsgreinarinnar við hugmyndafræði sjálfbærrar þróunar.  Einnig kynntu  þær  North Hunt verkefnið, um hvað það snýst, hverjir taka þátt og hvað á að gera.

Skýrsla um skólamál í Öxarfirði

Út er komin skýrsla um skólamál í Öxarfirði sem unnin var að beiðni sveitarstjórnar Norðurþings.  Þar eru metnar ytri aðstæður vegna breytinga á skipulagi skólamála á svæðinu.  Var þetta verkefni kynnt fyrir sveitarstjórn Norðurþings á fundi 5. febrúar og á íbúafundi á Kópaskeri þann 6. febrúar.  Höfundar eru Hjalti Jóhannesson og Sigrún Sif Jóelsdóttir.

Mannaflaþörf og tækjanotkun í vegagerð

Atvinnuleysi eykst nú hröðum skrefum á Íslandi.  Aðilar vinnumarkaðarins hafa kallað eftir því að hið opinbera fari í mannaflsfrekar framkvæmdir.  En hvaða framkvæmdir eru mannaflsfrekar?  Hvaða framkvæmdir í samgöngum eru mannaflsfrekastar?   Er það vegagerð, brúargerð eða jarðgangagerð svo helstu flokkar séu nefndir?  Í apríl 2008 kom út skýrsla sem RHA vann fyrir Vegagerðina þar sem þetta var m.a. skoðað.  Það kom í ljós að mannaflsfrekustu framkvæmdir í vegagerð eru brúargerð, í öðru lagi jarðgangagerð og þar á eftir kom hefðbundin vegagerð.  Ef yfirvöld vilja grípa til þess ráðs að fara í mannaflsfrekar framkvæmdir í samgöngum ættu þau því að horfa fyrst og fremst á verk í brúargerð.

Lesa meira

Vel heppnuð ferð North Hunt

Aðilar frá RHA – Rannsókna og þróunarmiðstöðvar Háskólans á Akureyri og Rannsóknamiðstöð ferðamála sem eru aðilar að North Hunt skruppu austur til Egilsstaða dagana 29 – 30 janúar sl. Tilgangur ferðarinnar var meðal annars að taka viðtöl við frumkvöðla og stefnumótunaraðila á svæðinu og hins vegar að koma á fót fyrirtækjahóp.