20.-23. ágúst næstkomandi verðu haldin Norræn þjóðlistahátíð á Akureyri. RHA - Rannsóknamiðstöð Háskólans á Akureyri hefur umsjón með ráðstefnunni og fer hún fram í húsakynnum Háskólans á Akureyri. Miðasala fer fram á www.tradition.is og opnar upp úr miðjum febrúar.

Opnað hefur verið fyrir umsóknir í Sprotasjóð fyrir skólaárið 2014-2015. Hægt er að sækja um rafrænt á vef Sprotasjóðs frá 13. jan. til 28. febrúar.

www.sprotasjodur.is 

Nánari upplýsingar veitir Sigrún Vésteinsdóttir hjá Rannsókna- og þróunarmiðstöð Háskólans á Akureyri í síma 460-8904 eða í tölvupósti á sv@unak.is

Allir opinberru Háskólar landsins senda nú frá sér sameiginlega könnun til að kanna afstöðu nemenda og útskrifaðra nemenda til námsins við skólana og hvernig það nýtist þeim í lífi og starfi. Könnunin er gerð á vegum samstarfsnets opinberru háskólanna og er kostuð af samstarfinu.
Rannsóknamiðstöð Háskólans á Akureyri hefur tekið að sér að framkvæma könnunina fyrir þrjá skóla þ.e. Háskólann á Akureyri, Háskólann á Hólum og Landbúnaðarháskólann á Hvanneyri. En Félagsvísindastofnun framkvæmir könnunina meðal nemenda í Háskóla Íslands.  Könnunin er nýr og mikilvægur liður í gæðastarfi háskólanna og mun nýtast þeim við gerð innra mats deilda og sviða. Með því að senda staðlaða könnun á alla nemendur ríkisháskólana er verið að auðvelda samanburð á milli skóla og efla gæðastarf skólanna.

ESPON verkefninu SeGI - Indicators and Perspectives for Services of General Interest in Territorial Cohesion and Development lauk á síðasta ári. Var RHA meðal 11 stofnana sem þátt tóku í verkefninu og vann Hjalti Jóhannesson einkum að rannsóknum fyrir okkar hönd.

Hvernig eflum við þátttöku íslensks vísindasamfélags í alþjóðlegri  samvinnu og stefnumótun um norðurslóðir?

Samvinnunefnd um málefni norðurslóða  býður til opins Norðurslóðadags í húsnæði Hafrannsóknastofnunar,  Sjávarútvegshúsinu, Skúlagötu 4, ráðstefnusal 1. hæð fimmtudaginn 14. nóvember 2013  kl. 09:00 – 17:30.

Dagana 16.-18. október var haldin í Glasgow lokaráðstefna KITCASP-verkefnisins (Key Indicators for Evidence-based Spatial Planning) en í verkefninu var unnið að þróun og vali 20 vísa (indicators) til að nota við skipulagsvinnu í ríkjum Evrópu. Verkefnið var unnið í nánum tengslum við hagsmunaaðila í þeim fimm löndum sem aðild áttu að rannsókninni, en það voru Baskaland, Írland, Ísland, Lettland og Skotland. Írar í byggðarannsóknastöðinni (National Institute for Regional and Spatial Analysis) í Maynooth fóru með verkefnisstjórn en Graeme Purvis hjá skosku ríkisstjórninni fór fyrir hagsmunaaðilum. Fyrir hönd hagsmunaaðila á Íslandi tók Skipulagsstofnun virkan þátt í verkefninu og var Landsskipulagsstefna 2013-2024 sú áætlun sem var einkum lögð til grundvallar í íslenska hluta rannsóknarinnar en einnig var litið til byggðaáætlunar og Ísland 2020. Lokaskýrsla KITCASP er væntanleg innan tíðar.

Alþjóðaráðstefnan Arctic Circle var haldin í fyrsta sinn í Hörpu um helgina frá laugardegi til mánudags. Þar komu saman rúmlega 900 manns til að ræða málefni norðurslóða.

Fulltrúar frá HA, NRF og RHA 

Þær breytingar hafa orðið á starfsmannahaldi RHA að Sigrún Vésteinsdóttir verkefnisstjóri hefur hafið störf að nýju  eftir fæðingarorlof.  Hjalti Jóhannesson mun koma til starfa eftir helgina eftir afleysingu sem sveitastjóri í Hörgárbyggð. Halla Hafbergsdóttir hóf störf sl. vor og mun leysa Hjördísi Sigursteinsdóttur sérfræðing af sem nú er í leyfi.
Halla er viðskiptafræðingur að mennt og lauk í vor meistaragráðu í Náttúrutengdri ferðaþjónustu frá Universitetet for miljø- og biovitenskap í Noregi.  Hún hefur meðal annars starfað sem verkefnisstjóri, skrifstofustjóri og verslunarstjóri. 
Þá hefur Marta Einarsdóttir verið ráðinn til starfa hjá RHA. Marta hefur nýlokið doktorsprófi frá East Anglia háskólanum í Bretlandi  á sviði menntavísinda með áherslu á kynjafræði og þróunarfræði. Hún lauk meistaraprófi frá sama háskóla í þróunarfræði með áherslu á kynjafræði. Þar áður lauk hún kennaraprófi frá Det Nødvendige Seminarium í Danmörku, diplómanámi í hagnýtri fjölmiðlun frá Háskóla Íslands og BA prófi í sálarfræði frá sama skóla. Hún hefur áður starfað sem verkefnisstjóri félagslegra verkefna í Mósambík fyrir Þróunarsamvinnustofnun Íslands, sem grunnskólakennari og við sölu- og skrifstofustörf.