RHA átti nokkra fulltrúa á nýlokinni ráðstefnu IASSA um félagsvísindi á Norðurslóðum og tók þátt í skipulagningu ráðstefnunnar. Var hér um að ræða fjölmennustu vísindaráðstefnu sem haldin hefur verið á Akureyri með tæplega 450 þátttakendum. Sérfræðingar RHA greindu frá nokkrum rannsóknum sem þeir hafa komið að, s.s. Rannsókn á samfélagsáhrifum stórframkvæmda á Austurlandi (Hjalti Jóhannesson og Jón Þorvaldur Heiðarsson), samfélagsáhrifum loftslagsbreytinga (Sigrún Sif Jóelsdóttir) og áhrif kreppunnar á starfsfólk sveitarfélaga (Hjördís Sigursteinsdóttir). Svalt veður ráðstefnudagana kom ekki í veg fyrir það að ráðstefnan þótti heppnast afar vel í alla staði. Í ljós kom að húsnæði HA hentar afar vel fyrir svona stóra ráðstefnu.

Nýverið kynnti Rannsóknastofa um háskóla að RHA og Miðstöð skólaþróunar HA hlytu styrk til rannsóknar á félagslegu hlutverki háskóla. Að baki rannsókninni stendur teymi sex fræðimanna frá Háskólanum á Akureyri og Háskóla Íslands. Rannsóknastofa um háskóla auglýsti í janúar síðastliðnum styrk til rannsóknar á eftirfarandi viðfangsefnum:

1. Hvernig skilja íslenskir háskólakennarar og sérfræðingar starfsskyldur sínar og fagmennsku?
2. Hvernig skilja íslenskir háskólakennarar samfélag sitt og samfélagslegar skyldur?
   

Rannsóknina má rekja til þess að í kjölfarið á hruni íslenska bankakerfisins var kallað eftir ítarlegri endurskoðun og mati á ýmsum gildum sem samfélagið hefur verið reist á. Í skýrslu rannsóknarnefndar Alþingis var m.a. vikið að háskólasamfélaginu og gagnrýni á það kom fram. Samþykkti menntamálaráðherra árið 2010 tillögu stjórnar Rannsóknastofu um háskóla um að fé yrði varið til að vinna að rannsóknum á háskólunum í þessu samhengi.

Í umsögn verkefnisstjórnar Rannsóknarstofu um háskóla segir að verkefnisumsókn hafi verið ítarlega rökstudd og sterkur rannsóknarhópur standi að baki henni.

 

RHA er umsýsluaðili sjóðsins sem er á vegum menntamálaráðuneytisins en ráðuneytið auglýsir nú eftir umsóknum um styrki úr Sprotasjóði leik-, grunn- og framhaldsskóla.

RHA hélt námskeið í gerð umsókna í 7. rannsóknaáætlun ESB fyrir starfsfólk Háskólans 15. mars síðastliðinn. Kennari var Dr. Sigurður Bogason hjá fyrirtækinu MarkMar sem hefur sérhæft sig í umsýslu með ESB-verkefnum. Háskólakennarar og sérfræðingar af flestum fræðasviðum sóttu námskeiðið sem var afar hagnýtt. Fengu þeir þar góða innsýn í umsóknarferlið og góð ráð um hvernig rétt er að bera sig að við umsóknir. RHA vill hvetja áhugasama til þess að heimsækja heimasíðu 7. rannsóknaáætlunarinnar hjá Rannís þar sem nánari upplýsingar eru í boði og leita fyrir sér um áhugaverð rannsóknaverkefni og mögulega samstarfsaðila til að mynda með rannsóknateymi.

í þættinum Nýsköpun - íslensk vísindi mánudaginn 21. febrúar s.l. var m.a. fjallað um rannsókn á samfélagsáhrifum álvers- og virkjunarframkvæmda á Austurlandi sem RHA vann að á árabilinu 2004-2010. Greindi Hjalti Jóhannesson, verkefnisstjóri rannsóknarinnar þar frá helstu niðustöðum hennar í viðtali við Ara Trausta Guðmundsson.

Meðal frummælenda á fundinum sem haldinn var í menningarhúsinu Hofi á Akureyri var Stefán Gunnlaugsson, lektor við Viðskiptadeild HA. Kynnti hann þar niðurstöðu skýrslu RHA Áhrif innköllunar aflaheimilda á stöðu íslenskra sjávarútvegsfyrirtækja. Skýsluna vann hann ásamt Jón Þorvaldi Heiðarssyni, lektor við Viðskiptadeild og sérfræðingi við RHA og Ögmundi H. Knútssyni, dósent við Viðskiptadeild. Var fundinn afar fjölmennur og umræður líflegar um málefnið eins og nærri má geta.

Fyrsti vinnufundur í þriggja ára verkefni á vegum ESPON áætlunarinnar var haldinn í Svíþjóð 21. - 22. janúar síðastliðinn. Að verkefninu "Indicators and Perspectives for Services of General Interest in Territorial Cohesion and Development" (SeGI) standa 11 háskólar og rannsóknastofnanir í Evrópu undir forystu Konunglega tækniháskólans í Stokkhólmi (KTH).

Rannsakað verður hlutverk margvíslegrar almennrar þjónustu og samspil við þróun byggðar á mismunandi svæðum Evrópu. Hluti af verkefninu verður "case study" á 10 svæðum og mun íslenska dæmið verða Norðurland eystra. Fyrir hönd RHA/HA munu Hjalti Jóhannesson og Ingi Rúnar Eðvarsson einkum starfa að rannsókninni.

RHA hefur nú tekið saman yfirlit yfir helstu rannsóknasjóði og aðra styrkjamöguleika innanlands og erlendis á helstu fræðasviðum sem Háskólinn á Akureyri starfar á.

RHA minnir á lokafrest til að sækja um styrk til Rannsóknasjóðs Háskólans á Akureyri. Umsóknareyðublað og reglur sjóðsins er að finna hér á heimasíðu RHA.

Umsækjendur athugi að hafi þeir sótt um styrk í sjóðinn áður og fengið úthlutað, þá þarf framvindu- eða lokaskýrsla að liggja fyrir hjá sjóðstjórn áður en hægt er að afgreiða nýja umsókn.

Umsóknir og fylgigögn skulu vera í tvíriti og þurfa að berast til RHA – Stjórnsýsla rannsókna, Borgum v/Norðurslóð, fyrir kl. 12 miðvikudaginn 1. des. n.k. Séu umsóknargögn póstlögð þarf póststimpillinn að vera eigi síðar en 1. desember. Minnt er á að umsóknir og umsóknargögn skulu einnig berast rafrænt á netfangið rannsoknir@unak.is fyrir sama tímafrest.

Dagana 17. - 18. nóv. sl. var haldin þriðja og síðasta ráðstefnan í North Hunt verkefninu, sem RHA hefur verið þátttakandi í síðastliðin fjögur ár.  Ráðstefnan var haldin í Rovaniemi í Finnlandi og var fyrri dagurinn helgaður þróun fyrirtækja í skotveiðitengdri ferðaþjónustu en á þeim seinni voru kynntar rannsóknir á atvinnutækifærum sem leiða af skotveiðitengdri ferðaþjónustu.